Mendi Lasterketak

Ibilbide luzea Gernika eta inguruetako bidezidor eta mendietatik izango da. Orotara 17.5km izango ditu, gutxi gora-behera 900 metroko desnibel positiboa duena.

Lasterketa laburrak aldiz, 8.5km izango ditu eta 11:00etan hasiko da. Ibilbide historiko bezain ezezagun honetan inguruko gazteenengan mendi lasterketen grina piztea da helburua, horregatik 2006-2009 urte bitartekoei sariak emango zaizkie.

Urdaibai Biosfera Erreserbaren baitan egonik, mendiarekiko eta naturarekiko begirunez jokatzea eskatzen da. Ibilbidea diseinatzean, lekuaren edertasuna eta teknikotasuna izaten dira kontuan.