Mendi lasterketa
Aurreikusitako parte hartze kopuru maximoa 150 partaidekoa izango da
VIII. Gernika-Lumoko Mendi Jaiko Mendi lasterketa, Urdaibai Koparen eta Bizkaiko Mendi Lasterketen Ligaren barne dagoen lasterketa da, Arrolape Mendi Klubak antolaturikoa.
Bi helburu nagusi uztartu nahirik gabiltza: batetik mendi lasterketak bultzatzea, eta bestetik, Urdaibaiko lasterketa eta martxen egutegian lekua hartzea.
Ibilbidea, Gernika eta inguruetako bidezidor eta mendietatik izango da. Orotara 17,5km izango ditu, gutxi gora-behera 900 metroko desnibel positiboa duena.
Ibilbideko punturik nabarmenetako batzuk Lumo, Aixerrota, Maiaga, eta Foruko kantera dira.
Urdaibai Biosfera Erreserbaren baitan egonik, mendiarekiko eta naturarekiko begirunez jokatzea eskatzen da. Ibilbidea diseinatzean, lekuaren edertasuna eta teknikotasuna izaten dira kontuan.